Shillong, April 5: 2025 bilsini Meghalaya Board of School Education (MBOSE), SSLC porikkani result-rangko parakatanio, mongsonggipa jillarang jekai Shillong, Tura aro Jowai-ni a·palo donggipa skulrangni sak 22 chatro chatrirang top 20-o bimung nadoaniko nikna gita man·aha.
Iarangoni nambate pass ka·giparangara, Phulbari Jawaharlal Nehru Higher Secondary School-ni Pori Panday ong·a jean 2-gipa biapko man·aha, indake Nongpoh-ni Alpha English Higher Secondary School-ni Sourav Pandey, 3-gipao aro Upper Shillong-ni Gorkha Secondary School-ni Anamika Singh, 4-gipa biapko man·aha.
Mawpdai-ni Mawpdai Area Secondary School-ni Manderson Thongni aro Mahendraganj Higher Secondary School-ni Mahir Islam, 5-gipa biapko man·rikaha. Alpha English Higher Secondary School-ni Nandini Kumari 6-gipa biapko man·aha. Umroi Presbyterian Secondary School-ni Queency Kharsohnoh, 7-gipa biapko aro Dalu St. Josph’s Secondary School-ni Algaro Thardy M Marak baksana Bholarbhita-ni Janapriya Higher Secondary School-ni Musa Kazi, 8-gipa biapko man·skaaha.
Phulbari Jawaharlal Nehru HSS-ni Abu Towfique Elahi Mondal, 9-gipa biapko man·aha. Marbisu-ni Seng Khasi Secondary School-ni Bhakupar Sun aro Mairang-ni St. Thomas HSS-ni Angel Jollyba Marbaniang, sakgnian 10-gipa biapko man·aha.
Sohra-ni St. John Bosco Girls’ HSS-ni Gracious Gloria Diengdoh, Umden Nongthliew-ni St. Josph’s Secondary School-ni Lawanbiang Sarika Mallai aro Dawagre-ni Loyola Secondary School-ni Umalizie D Sangma, gimikan 12-gipa gadangko man·e chu·sokgipa ong·aha. Mairang St. Thomas HSS-ni Ereen L Mawlong aro Umsning-ni Nehru Memorial Secondary School-ni Ineshabakor Nongrum, 14-gipa gadango ga·akskaaha.
Nongstoin Anderson HSS-ni Born Winner Marngar 17-gipa biapo aro Nongspung-ni Nongspung Presbyterian Secondary School-ni Rikyrpang Marbaniang 18-gipa biapko man·skaaha. Marbisu-ni Seng Khasi Secondary School-ni Jane Olmond Rapsang aro Phulbari Jawaharlal Nehru Higher Secondary-ni Rehan Mohammad 19-gipa biapko man·aha.
Iana agreba, private skulrangoni sak 8 chatro chatrirang chong·motan, Sagarika Ray 13-gipao, Shreya Kumari 14-gipao, Ibadahun Kharshanhun 15-gipao, Gracy Lyngdoh 16-gipao aro Fenisha Pathaw 19-gipa biapko man·e top 20 bimung nadopaaha. 20-gipa biapko Aditya Yadav, Zelvi Kurbah aro Hapidawadbha Phawa man·angskaaha. Ian a·doko donggipa dingtang dingtang skulni chatro chatrirangan ia bilsini SSLC porikkao name dakaha ine mesokani ong·a.
Na·simang ia video-koba nina man·gen:
Na·simang iakoba poraina man·gen: MBoSE porikka seanio, SGH 88.32%-ko man·e Garo Hills gimikko amgopa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
