Jowai, March 30: Meghalaya a·dokni Governor, Pa Phagu Chauhan, Meghalaya-ni Jaintia Hills a·jani Nartiang-o donggipa mingsinggipa Durga Temple-ona Bristibar salo re·angaha.

Governor-ni re·angmiting somoio, a·jani Deputy Commissioner, Pa BS Sohliya aro Superintendent of Police Pa Bikram D Shira-maang baksana, District administration aro Police-ni gipin officialrang, jolni durbar aro sondonggiparang, dingtang dingtang department-rangni gipin district officialrang, Ram Krishna Mission-ni chatrorang gimik, a·dokni Governor-ko guard of honour- chi mande ra·bee rimchaksoaniko dakangaha.

Durga mite-o bi·ani ja·man, a·dokni Governor, apsan songo donggipa Garden of Monoliths-onaba re·angjolaha jeni ja·man, Jowai-o donggipa Soil and Water Conservation Rest House-ona neng·takna gita re·angenba a·jani officialrang baksa agangrikangjolani ja·man, Raj Bhawan-ona re·pilangaha.

Iakoba poraie nina man·gen: St Mary’s School-ni gital Science block-ko nokdonggaa