Shillong, Apr 3: Niamtre toromo, a·sel ong·e sigiparang ba sinanggija sigiparangara, saa ding·aniko man·e aro budepa butchumae sigiparangoni dingtanggrika ine bebera·ani dongani gimin a·sel ong·e ba sinanggija sigiparangna skanggipa Eco-Friendly Crematorium ba samtangtangna maming nangchakeani grigipa manggisi so·chakramko Sainraij Raliang-ni gita kulie on·aha.
Ia mande so·chakramko gong lak 6 koros ong·e rikaha aro korosrangko Seinraij Raliang-ni Marlangki Suchiang gamsochengaha ine Seinraij Raliang-ni secretary Hamjhan Dkhar parakataha.
Ia Eco-Friendly Crematorium-ko kuliahani gimin Seinraij Jowai-ni vice president Hambines Passah, Seinraij Raliang-ko mittelpilangengon, Meghalaya a·doko iandake samtangtangna maming nangchakeani grigipa manggisi so·chakramko 2002 bilsio Jowai-o rikchengaha ine parakataha.
