Shillong, Sep 1: Gong kror 272-mang ong•gipa Ad-hoc instalment aro India sorkari skanggipa instalment-ko watatna gita Meghalaya sorkari, sanction order-ko man•soaha ine Bristibar salo, Meghalaya a•dokni Education Minister Lahkmen Rymbui parakataha.
Education Minister-ni parakatani gitade, ma•mong sorkarini bakko watatna gita a•dok sorkari sanction order-ko man•soahani gimin ma•mongni bak baksa meliatna, a•dokni on•na nangenggipa kror 30.26-mangko watna gita a•dok sorkariba da•o kamrangko ka•engaha.
SSA skigiparangna dormahako on•na gita ‘Quarterly System’-ko ra•gatani bidingo janapatskaengon, iana Education, Planning aro Finance department-rang, re•anggipa July 21 tariko chanchirimani gita system-ko ra•bana kamrangko ka•engaha ine a•dokni Education Minister parakataha.
