Shillong, April 8: April 8 tariko All Jaintia Master Roll Workers Labour Union aro Khooid Yaka Wah Myntdu dol manderangni plastic jakkalaniara chiring-chibisikna aro samtangtangna namja ine kattachisa aganaigija kamchi dakmesokna Musiang bajalni salon ba·raoniko aro wa·aoniko tarigipa ra·chakaniko ra·e anti cha·na re·bagrimtokaha.
Jatni chengoni jakkalbaenggipa ra·chakani dokra aro kokchengrangara jakkaltaitaina man·aigipasan ong·ja indiba samtangna maming namgijakoba ra·baja unigimin Jowai jolo songdonggipa manderangko plastic-ni palo uarangko jakkalchina didianiko Khooid Yaka Wah Myntdu-ni President Pa K L Pariat aro All Jaintia Muster Roll Workers Labour Union-ni President kobor ra·timgiparanggita mol·molaniko dakangaha.
