Hatsingimari, May 9: Sombar salo, ma•mongni Union Home Minister Amit Shah, Assam a•dokni South Salmara Mankachar a•jaona re•angaha. Ua salgittamna Assam a•dokona re•baahachim aro uandaken Sombar salni bako, South Salmara Mankachar a•jaona re•angaha.
South Salmara Mankachar-ona re•anganio skanggipa ua Thakuranbari-o donggipa Maa Kamakhya Mandir-ona re•ange Nokgipana mittelpilaniko on•eaha aro uni ja•man ua Indo-Bangla simaona re•ange Border Security Force (BSF)-ni sipairang baksa agangrikangaha.
Indo-Bangla simako re•ange nieani somoio Union Home Minister, Mankachari Border Outpost (BOP)-o donggipa 45 Battalion BSF-ni kamrangkoba niangjolaha.
Uni ia biapko re•ange nieani somoio Assam-ni Chief Minister Himanta Biswa Sarma, Assam-ni Cabinet Minister Ranjeet Kr Dass, Meghalaya a•dokni Home Minister Lahkmen Rymbui aro gipin official-rangba dongpae bak ra•angaha.
