Shillong, Jan 13: Meghalaya-ni skotong Shillong-ni Anjalee Petrol Pump sambao darangniba a·kanggija dongalgipa suitcase bag, Sukrobar attamchibara 3 ata bajimango manderangko kenjagokataha ine koborko on·ataha.
Bag gale donani koborko man·soani tapan, Meghalaya Police baksana Bomb Squad rang·san a·damona sokangenba uni wilwila biapko champengaha aro gari-gorarangko Anjalee-ni petrol pump samba gita pekwate watgitikskaaha.
Indake ong·genchimoba, chelchakgipa dolrangni saniba dongalanggipa suitcase-ko kullie nion maming gopretgni bostukode nikjaha indiba jakkalgimin aro gitcham ba·rarangkosan nikskaiaha.
