Shillong, March 12: Mija February 26 tariko matchotanggipa Meghalaya assembly election baksa apsan ong·atna man·jae ra·doata man·gipa East Khasi Hills a·jani ning·o donggipa Sohiong constituency-o re·baenggipa April jao eleksinko ong·atnaba donga ine Sonibar salo official-oni koborna u·iataha.

Official-ni u·itani gitade, Karnataka Assembly election-ko ong·atna gita tarikko paratani salon Sohiong constituency-na apsan ong·naba donga.

Karnataka Assembly-ba re·baenggipa May jao bon·engaha.

Sohiong Assembly constituency-o re·anggipa February 26 tariko eleksin ong·atgnigipako una salbonga skang UDP-ni candidate ong·e susanasigipa Pa HDR Lyngdoh-ni tanggitik a·gilsakko watangani a·sel dontongatna nangao ga·akahachim ine nikatna gita man·gen.

Indake ong·engon, sianggipa MLA gitchamni palo Pa HDR Lyngdoh-ni gritang Synshar Lyngdoh-ko UDP Sohiong Block, eleksino susaatskana gita mingsoaha.