Guwahati, Jan 12: Assam aro Meghalaya a•dokna chamatgimin da•ororo giproroenggipa sabisini tikarang, da•al Mongolbar attamon Guwahati airport-ona sokbaengaha.

Koborko on•ani gitade, Assam aro Meghalaya a•dokna chamatgipa tikarangko da•al pringonin SpiceJet flight nombor SG 7451-o Pune-oni ra•e bilchakatbaaha aro ia aeroplane da•al attamni 5:00 bajimangon Guwahati airport-ona sokbagnok.

Da•ororo giproroenggipa sabisini tikarangko India a•song gimikon re•baenggipa January 16 tarik dipet a•bachengatna manchiengahachim.

Ia tikarangko su•na gita salgro salaram a•dokrangoba changgnina kingking dake nisamsoanirangko dakmanahachim.

Ia tikani skanggipa bako, sanna bananiko on•enggiparang aro mandena chel•chakaniko on•enggipa dingtang dingtang sipai dolrangko man•chape ia sabisiko mikkango donge warachakenggipa manderangna on•angchengna siengachim.