Shillong, Jan 3: Assam aro Meghalaya a•dok damgnini simarango meligrikgijaniko namatna gita a•dok damgnini songe on•gipa regional committee-rangni sandie tarigimin report-rangko Sombar salo on•grikangaha.
An exchange of reports of one of the Regional Committees was initiated between Meghalaya & Assam & discussions were held today with Hon’ble Minister from Assam, Sh. @Pijush_hazarika Ji as part of the ongoing mission to resolve our border differences@himantabiswa pic.twitter.com/nV8hPEY55W
— Conrad Sangma (@SangmaConrad) January 3, 2022
Iani bidingo kobor ra•timgiparangna talataniko on•angengon, Meghalaya a•dokni Deputy Chief Minister Prestone Tynsong aro Assam-ni Minister P Hazarika-ni gisepo tom•aniko ong•atangaha ine Meghalaya a•dokni Chief Minister Conrad K Sangma parakatenba, a•dok damgnini gisepo report-rangko on•grikahani gimin a•dok damgnini simarango meligrikna man•jaenggipa biaprangoni damdokkode namatna gita cholko man•gnok ine an•tangni ka•dongchakenganiko parakataha.
Bakan a•dok damgnini chief minister-rang tom•e chanchirimtaina siengani gimin ia skanggipa bako ja•ku de•aniko matchotatna ka•dongengaha ineba Sangma parakataha.
Mongolbar salo Kamrup a•jani regional committee aro West Khasi Hills a•jani regional committee, Guwahati songjinmao tom•e chanchirimtaina sienga ineba ua parakataha.
A•dok damgnini simarango meligrikna man•jaenggipa biaprangoni damdokkode da•o January 15 tarikni gisepon namatna jotton ka•gen ine adita salrangna skangsan, Meghalaya a•dokni Deputy Chief Minister Prestone Tynsong parakatahachim.
