Guwahati, March 14: Assam a·doko Class 10 -ni Board exam-ko seatenggipao adita salrangna skang General Science question paper-ni joksretani mamlako Assam CID-chi sandirokatchina gita a·dok sorkarini ge·etaniko on·a ja·man, iano jak donggipa chatro-chatrirang, skigiparang gimikko man·chape sak 22 manderangko Assam-ni dingtang dingtang biaprangoniko rim·aha ine Mongolbar salo koborna parakataha.
Ia mamlako Assam CID-na pakwate am·sandiataniko dakenba Guwahati, North Lakhimpur, Dhemaji, Sadiya, Dibrugarh aro Tinsukia district-rangoniko dos donggipa sak 22 manderangko rim·aha ine Assam-ni Director General of Police, G. P Singh, Mongolbar salo Twitter-o see parakatan baksa, iandakgipa ong·gija kamko ka·gipa manderangko rim·na gita police dolni chu·gimik on·kange kam ka·enganiko janapatenba, dos dakgipa manderangni kosako niam gita ja·kuko de·atgen ineba DGP parakatjolaha.
Board-ni porikkako seatenggipao, general science question paper-ni joksoahani gimin Assam Board of Secondary Education (SEBA), Sombar salo porikka seatgnigipako Robibar walon dontongatgitikahachim.
Indake ong·engon, re·baenggipa March 30 tariko gital dake porikkako seatpiltaiani gimin SEBA, Sombar salo u·iataniko on·angaha.
