Guwahati, Dec 6: Assam-ni Skotong Minister Himanta Biswa Sarma, Samaguri Constituency-o chegipa ong•na, vote-rangko salna man•a gita constituency-ni manderangna matchu be•enko suala ine Congress MP Rakibul Hussain-ni kosako matnangataha.
Assam sorkari a•dokni public biaprang chong•motan, hotel aro restaurant-rango matchu be•en cha•aniko champengatahani gimin jera ra•grikanirang ong•engani gisepon Sarma, ia kattarangko aganaha.
Ia tom•anio jinmana aganengon, Muslim jatrang matchu be•en cha•giparang ong•a inen u•ia aro matchu be•en cha•aniko hotel aro restaurant-rango cha•anikosa sorkari champengatenga ine Sarma aganaha.
Una agreba, batanggimin bilsi 25-ni gisepo, ua aro uni pagipa chegipa ong•e Congress dilgipa ong•baengaha, uni orto de uamang matchu be•enrangko sualani giminsa chebaaha ineba ua agandapataha.
Batanggimin bilsi 2 mangni gisepo Skotong Minister Himanta Biswa Sarma, an•tangko Hindutva ba Hindu toromko olakianio kim•kim be•ragipa ong•e dilgipa saksa ong•a ine mesokaha aro iandake matchu be•en cha•aniko champenganichi, toromtango kakket bebera•gipa ine mesokan baksa politics-ni a•bao saksa niksenggipa ong•enga.
Indake ong•engon, MP Rakibul Hussain, ia matnanganirangna maming aganchakaniko on•kujaenga.
Na·simang ia video-koba nina man·gen:
Na·simang iakoba poraina man·gen: State Reservation Policy-ni bidingo da•alo public hearing-ko ong•atanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
