14.3 C
Tura

Assam-na baten a·doko toni damrang komibatkugen: Pa Tynsong

Must read

KHNAM decides to forgo upcoming assembly elections, to focus on MDC elections

Shillong, Feb 3: The Khun Hynniewtrep National Awakening Movement (KHNAM) on Friday announced its decision not to field any candidates for the upcoming assembly...

BJP seeks suggestions from public on election manifesto

Shillong, Feb 3: The BJP has sought suggestions from the people of Meghalaya for the party’s manifesto. The BJP has invited people to register their...

NPP candidates Dasakhiat Lamare and Mohendro Rapsang file nomination for upcoming assembly polls

Shillong, Feb 3: Cabinet Minister and the National People’s Party (NPP) candidate from Nongkrem constituency Dasakhiat Lamare and the party candidate from West Shillong...

Hub News : English Podcast : February 3

You are listening to Meghalaya’s only daily podcast news. For promotion & publicity write to us at [email protected]

Shillong, Feb 14: Songsul a·dok Assam-o petrol aro dieselni damko eleksinna skang komiatna agan-parakatani adita salrang ja·man, NPP-chi rikdilenggipa MDA sorkari Assam-ona baten toni damrangko komibatatskagen ine a·dokni dakchakgipa skotong minister Pa Prestone Tynsong a·dokni manderangna ka·dongataniko on·aha.

“Gipin a·songrango petrol aro diesel toni damrang da·o tang·dororani kri nigrikenba chinga damko tiktak dakna nangen aro Assam a·dokona baten Meghalaya-o petrol aro dieselni damrang aditan komibatangkugen, maina iako skangonin ja·rikbaienga, uni gimin chinga toni damrangko Assam a·dokona baten komiatangna gita kamko ka·gen,” ine ua mijal Sonibar salo kobor ra·timgiparangna agan-talataha.

Petrol aro dieselni damrangko a·doko komidapatani gimin chanchirimna gita chinga mikkang antian asongrimtainaba gnang ineba ua aganaha.

Indake ong·engon, “A·song gimik gipgipa sajinmani a·sel kajinako ra·enga ine chingni kosako matnanganiara kakket ong·ja, batesa toni damrangko litre prako gong 2 ka·e komiataha aro iana bateba komiatangkuna gita chinga nigrike kamrangko ka·atenga ine Pa Tynsong, sing·anina aganchakaha.

Indakeba gisik ra·atjolna man·gen je, a·doko parana salenggiparangchi dondikgija jingjengataniko dakdilenggipa Meghalaya Joint Action Committee of Commercial Vehicles (MJACCV), sajinmana a·songko chipchangatmiting somoiniko 50 percent-ni gita kajinako komiatchina mol·molan baksa petrol aro diesel toni damrangko tang·onatchinaba uamang a·dok sorkario dabitokenga.

Parana salruraatenggipa garini nokgiparango uamangni jingjengataniko dontongchina mol·molenba, jingjengatenggipa dol baksa chanchirimna nangani kattan dongjaha maina mijao uamangni memorandum on·anggipao mongsong janapgiparangni gimin sorkari namedake nigriken kamrangko ka·atenga ine ua talataha.

A·dok gimikchina iani gimin na·simang ma·siate on·angna nangjawa maina maiko dakna nanga sorkarian gimikko nigrike kamko ka·enga, indiba angni nikanio da·o na·simangni jingjengatanichi ramram manderang aro gariko salenggipa driverrangna namen neng·nikaniko ong·atengahani gimin na·simangni ia jingjengataniko dontongna nangengaha,” ine ua agandapaha.

Indake ong·engon, sorkarini mol·molaniko knachakjaode manderangna dangdike on·skana senge dongenggipa gipinrangba gnang jenan chu·gimik bilrangko on·na gita sorkariko draataona sokgen ine dakchakgipa skotong minister, da·o jingjengatenggipa dolko mikrakataha.

Jingjengatengani bidingo chanchirimangna gita JAC-ko okamchina district administration-koba sorkari ge·etmanaha ineba Pa Tynsong u·iataha.

Minggipin, skia-porani a·bao sorkarini kajinako ra·enggipani bidingo matnanganina, ian chanchigija skatang agan-bel·belasan ong·aia ine agananio, skigiparang iani gimin mamingchiba gisiko duk man·na nangja ine ua aganaha.

“Kajinarangko sorkarini ra·engon, chingni jeponasa sokbaenga ine matnangania kakket ong·ja. Ua tangkarangara a·dokni manderangnasa ong·a, indiba chingni jepo ba minister ba jeba mandeni jeponasa re·angenga ine skatang aganaigipachi dilsretako man·na nangja,” ine ua agan-talataha.

“Petrol ba diesel mangmangonikosan gong kror 300 oni 400 -ona kajinako ra·enga. Skia-porani a·bana mangmangan tangka-paisako chamatani gong kror 1,200-mangni gita ong·a ine uamang ma·sina nanggen. Uni gimin skatang matnangaina nangja maina an·chingo RTI-ba gnang, iako chu·gimik jako ra·enggipa directorate-china re·angode gimikkon tale-roke ra·na man·gen. Iana agreba, tangka-paisao hisapni giminba chinga bilsiprakan on·na nanga jekon House-o ra·ange uko ra·chakatchengna gita nanga jeni ja·manosa a·dokni manderangni gam ong·a. Sorkarini kosako skatang matnanganira chanchigija agan-bel·bele roani gitasan ong·aia maina ong·a ba ong·gija pilakni gimin tale ra·na gita man·aigen,” ineba Pa Tynsong parakatkuaha.

More articles

LEAVE A REPLY

Please enter your comment!
Please enter your name here

Latest article

KHNAM decides to forgo upcoming assembly elections, to focus on MDC elections

Shillong, Feb 3: The Khun Hynniewtrep National Awakening Movement (KHNAM) on Friday announced its decision not to field any candidates for the upcoming assembly...

BJP seeks suggestions from public on election manifesto

Shillong, Feb 3: The BJP has sought suggestions from the people of Meghalaya for the party’s manifesto. The BJP has invited people to register their...

NPP candidates Dasakhiat Lamare and Mohendro Rapsang file nomination for upcoming assembly polls

Shillong, Feb 3: Cabinet Minister and the National People’s Party (NPP) candidate from Nongkrem constituency Dasakhiat Lamare and the party candidate from West Shillong...

Hub News : English Podcast : February 3

You are listening to Meghalaya’s only daily podcast news. For promotion & publicity write to us at [email protected]

Mukul sorkarini somoio a•dokni manderangko bilchi sason ka•a ine Conrad matnanga

Shillong, Feb 3: Gitcham Congress sorkarini somoio, a•dokni manderangko bil jakkalesa sason ka•na jotton ka•aha ine Sukrobar salo, Meghalaya a•dokni Chief Minister aro National...