Guwahati, March 12: Assam-ni Nalbari a·jaoniko mingsa knarongbregijagipa obosta ong·ani koborko man·soani gita, biani salo bia ka·nasigipa me·asa Prasenjit Haloi minggipani dugapile pekenba bia ka·atao dakna nanganirangko matchotatna man·jahani gimin me·chikni maharirang biakon dontongatna nangao ga·akpilaha aro ia ong·a obostako video ka·e ra·giminkoba manderang social media-rango watpipratokaha.

Koborni gitade, bia ka·nasigipa me·asani bia ka·atani somoio Pandit-ni mingchina agangipa kattako mingna man·pilgija a·pao tue donganiko video-rango niksona gita man·aha. Uandake, me·chikni maharirang iani bidingo Nalbari police station-o mokordomako segatangaha aro biao koros ong·anirangna gampilskachina gita me·asani mahario dabiangskaaha.

Me·chikni bakrangoni saksani aganani gitade, obosta namroroangjaenganiko u·ie me·chik, bia ka·nan asongna gita nangnikjaha aro biako matchotatna gita me·sachiniko mol·mole nina jotton ka·ahaoba uamang 95 percent-de pektokararaha aro me·chikrangba obostako ding·chaotaha jeni a·selo Nalbari police-na koborko on·e donatna nangao ga·akpilaha.