Silchar, Dec 28: Mingsa aiao inmanbegipa a•sel ong•anio, Assam a•dokni Cachar a•jao do•bok bima mangsa, mande gita dakanggipa bi•sako duaha.

Koborko on•ani gitade ian Cachar a•jani Gangapur minggipa songo, saksa Shankar Das minggipa mandeni noko ong•aha.

Iani bidingo koborko man•soa bakan songni manderang, ia mande gita dakgipa do•bok bi•sako nina Shankar Das-ni nokona re•angtokaha.

Ia mande gita dakanggipa do•bok bi•sa atchion siaha indiba uni bimang mande gita dakani gimin manderang namen aiao inmanbetokaha.

Ia bi•sani mikgron, gingting aro ku•sikrangde mande gita dakachim indiba uni nachilrangde do•bok gitan dakskaachim. Uo ja•a jak samgnisan dongaiachim.

Ja•mano ia sigimin do•bok bi•sako nok nokgipa, gope galaha.