Guwahati, Sept 25: Assam a•dokni Golaghat a•jao, ong•gija dakgipa manderang, bilsi 30 ong•gipa mande saksani jakko den•tongenba a•sel ong•gipa biaponi meter kolatchimang chel•gipa mi a•palni bakrao gale donangaha.

Ia misilbegipa a•sel, ia mandeni Karmabandha camp-oni Dhekial Gaon-ona re•angengmitingo, rang•gitik ia manderang dumper-o re•bae uni jakko den•tonge galangaha.

Ia a•sel ong•ani ja•man, ia mandeni pagipa, Sumoni police station-o FIR ka•ahachim indiba ia a•sel ong•aoni sal 23 ja•manba ia mandeni jakko den•tonge galanggipa manderangni kosako police-rang maming bichal ka•aniko dakna gita man•kujaenga.
Ia obostao ga•akenggipa mandeni ma•a paa, Khumtai-ni MLA Mrinal Saikia-ko grongenba, ia a•selni bidingo agangrikaha.

“Iani bidingo Golaghat-ni SP Rajen Singh baksa agangrikaha aro ua ong•gija dakgipa manderangni kosako ta•raken ja•kurangko de•gen ine ka•dongataniko on•ataha. Ia nokdangni manderangna kakket bichalko ka•e on•a nanga aro ong•gija dakgipa manderangko rim•e sasti on•na nangchongmota,” ine Saikia parakataha.

Unbaksana je police-rangan an•tangtangni kamko chu•sokatjahachim, uamangko suspend ka•na ba kamoniko dondikatna nanga aro niam gita sastiko on•a nanga ineba ua agandapaha.

Iakoba poraie nina man·gen: Prime Meghalaya Agri Response Vehicle Scheme-ni ning·o bol 5 garirangko PHE Minister suala

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub