Agartala, June 14: Bristibar salo, Agartala-o donggipa Assam Rifles headquarter-o, Assam Rifles-ni gita Mega Blood Donation Camp-ko ong•atangaha.
Ia camp-ko ong•atanio, gisiko nanggipa Assam Rifles-ni sipairang, Officer-rang aro uni nokdangni manderang aro Border Security Force (BSF)-ni sipairang, Assam Rifles School-ni skigiparang aro staff-rang re•bae an•chitangko on•etokaha.
Ia tom•anio, Tripura-ni Transport, Food & Tourism-ni Minister, Sushanta Chowdhury mongsonggipa sokgipa ong•e bak ra•enba mikkim gnangbataha aro indin an•chi on•aniko dakenggiparang baksa agangrikaniko dakangaha.
Indake, ia Blood Donation Camp-ko, hospital-rango an•chirang chu•ongjaengani gimin, an•chi nangchongmotenggipa manderangna an•chiko on•a man•a gita, Skotong Minister Manik Saha-ni rang•gitik mol•molaniko dakatani ja•mano, India a•songni gitchambatsranggipa paramilitary force, Assam Rifles aro BSF dolrang ong•ataha, jeon, 125 unit mangni gita an•chirangko chimongna man•aha.
Ia Camp-ko ong•atgipa dolrang, a•songko chel•chaksoan baksa an•chirangko indin on•e janggirangkoba jokatenganina, Chowdhury mitelpilskaaniko dakangaha.
Iandake mandesal ong•e dakchakna nangchongmotani gimin aganan baksa iandakgipa ja•kurango bak ra•chinaba ua gipinrangko didiataha.
Iano an•chi on•giparangoni bang•batan skanggipa changna on•giparang ong•achim aro skanggipa changna an•chi on•chake sakgipinrangni janggiko jokatna man•engani gimin an•tangtangni gisiko kusi ong•aniko uamang parakangaha aro sakgipinrangkoba indake nama kamrango bakrimchina didiataha.
Na·simang ia video-koba nina man·gen:
Na·simang iakoba poraina man·gen: Tripura-o World Blood Donors Day-ko mania
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
