New Delhi, Jan 19: Salgro salaram jolni Meghalaya, Tripura aro Nagaland a•dok damgittamni Assembly election-rangko ong•atna gita Election Commission, tarikrangko parakatani ja•man, ia damgittam a•dokrango susana gita North East Democratic Alliance (NEDA)-o bakrimenggipa political dolrangna, NEDA-ni convenor aro Assam a•dokni Chief Minister Himanta Biswa Sarma, seat-rangko sualgrike on•angaha.
Sarma-ni parakatani gitade, Nagaland election-na BJP aro NDPP dolgnian NEDA-ni bak ong•engani gimin dam 40 seat-rango NDPP susagen aro dam 20 seat-rango BJP susaangskagen.
Meghalaya a•dokode NEDA-o bakrimenggipa pilak political dolrangan an•tangari susaengani gimin BJP dolba gipin dolrang baksa bakrimgija susaenga ine Sarma parakatskaaha.
Tripura election-ni gimin janapatskaengon, TIPRA MOTHA-ni dilgipa Pradyot Deb Barman, uko grongeaha indiba ia dolara BJP-chi dilenggipa NEDA-ni bak ong•jani gimin election-na bakrime kam ka•anio gipin dilgiparangko donskaaha ine NEDA-ni convenor aro Assam-ni chief minister parakataha.
