Shillong, Dec 4: Meghalaya Legislative Assembly-ni gitcham Speaker aro Phulbari constituency-ni gitcham Congress MLA AT Mondal, Sonibar salo National People’s Party (NPP)-o napaha aro uko Meghalaya a•dokni Chief Minister aro NPP-ni national president Conrad K Sangma rimchaksoaha.
Shri A T Mondal brings with him years of experience as a leader of the plain belt areas and is determined to bring more development to Phulbari Constituency together with the NPP. May he continue to work tirelessly for the people. pic.twitter.com/kEvnJReCu0
— Conrad Sangma (@SangmaConrad) December 3, 2022
Re•baenggipa 2023 bilsini Assembly election-o Mondal, 46-Phulbari constituency-oni NPP-ni candidate ong•e susagen ine apsan salon parakataha.
Da•o dipet Phulbari constituency-o NPP-ni SG Esmatur Mominin MLA ong•engachim indiba ia chang election-o NPP-ni tikitko AT Mondal-na on•skaahani gimin ua, Independent candidate ong•e ba gipin dolrango nape susaskanaba gnang ine nikna man•enga.
NPP-ni gital membor AT Mondal, 1998, 2008 aro 2013 bilsirango MLA-na seokako man•ahachim aro uko 2013 bilsini March jao, Meghalaya Assembly-ni Speaker-naba seokahachim.
Ua 2022 bilsini November 29 tariko, Congress doloni ong•kataha aro re•baenggipa 2023 bilsini Assembly election-o susataina gita NPP-o napskaaha.
Mondal-ko NPP-ona rimchaksoani somoio, NPP-ni national president Conrad Sangma, jinmana aganprakangengon, uni NPP-ona re•baaniara Phulbari constituency-osan ong•aigija Garo Hills-ni pilak a•kawe jolrangon nangchakeaniko ra•bagnok ine parakataha.
Mondal-ni NPP-o napaniara Muslim manderangkosan ong•aigija dingtang dingtang dolrangni manderangkoba NPP-o ka•dongchakna dakchakani ong•gnok ineba Sangma aganaha.
