Shillong, Dec 9: A·dokni Assembly-o warachakgipa dolni bakgni dakanichi a·joltangni political dolrangna ian pil·sara namgni ong·skagen, ine United Democratic Party-ni da·o padot ong·enggipa Pa Paul Lyngdoh, Bristibar salo kobor ra·timgiparang baksa agangrikao parakataha.
Ge·gipin dolo bakgni ong·anichi beben a·joltangni dolrangna chol dongbatskagen ine aganangengon, political dolko bikotna aro eleksino chu·sokgipa ong·na altua ong·ja aro dolko pangkamatnade baten rakbatsranggipa kam ong·a ineba Pa Lyngdoh, a·dokni politics-o Pa Ardent Basaiawmoit-ni ‘Voice of the People Party’ dolni aroba All India Trinamool Congress dolni gital ong·e sokbadapengani gimin ua ia kattarangko aganangaha.
AdvertisementSkango, Khun Hynniewtrep National Awakening Movement (KHNAM) dolko songaniko gisik ra·atjole aganangengon, “2002 bilsio chinga ka·dongprete doltangko bikotahachim indiba 2003-ni eleksino ge·gni seat-rangkosan cherikaiaha aro 2008 bilsiode KHNAM doloni saksakosan seokaijok, uni gimin a·doko political dolko pangkamatna namen rakbegipa kam ong·a” ineba ua janapataha.
Indioba, AITC-ni gimin aganangskaengon, ia dolko dingtang dake niatskaenba re·baenggipa 2023 bilsina skang Meghalaya-ni politics-o ia dol bil gnanggipa ong·e a·dokni gipin dolrang baksa susagniko nikatna gita man·skaenga ineba ua parakataha.
AdvertisementUni aganani gita, skangrangoniko uni ma·sirikani gitade political-ni ma·ambio ian assembly-o warachakgipa dolni bakgni ong·ani skanggipa changna ong·enga aro ian sorkariko rikanio political dolrangna namgni ong·pilskagen.
“Agangimin gita, Garo Hills-o dolni memborangan dongjahani gimino Congress dolde da·oba chu·gimikan bon·aiaha. Iarang gimikko niatode, re·baenggipa 2023 bilsio bang·en dingtanggniko nikna man·gen,” ine ua aganangkuaha.
Inner Line Permit-ni gimin chanchiatangko aganangpaanio, ILP-ko nangniken a·dokni assembly-o iako jinma ra·chakangaha ine janapatenba, Assembly-o ra·chakanggiminko da·o chanchie ra·baenggipa Eighth Scheduled-ko man·chape ma·mong sorkari baksa ning·tuen agangrikaniko dakangkuna nanggen ine Pa Lyngdoh agan-ku·pattiangaha.
Iana agreba, Armed Forces (Special Forces) Act (AFSPA)ni bidingo aganangskaengon, India-ni salgro-salaram a·jolrangko golmal gnangbatgipa biap ong·a ine ra·engani a·selsa ia niamko ma·mong sorkari ra·gataha ine ua parakataha.
“A·song ge·sano je biapoba apsan ong·aniko dingtanggrikatani dongna nangja. Kajia-golmalrang aro so·so-jengjengrang aro bobil dakanirang salgro-salaram mangmangosa dongaija, India-ni gimik biapon dongaia. Uni gimin, salgro-salaram a·jol mangmango AFSPA-ni niamko ra·gataniara ma·mongni ia salgro-salaram a·jolrangko golmal gnangbatgipa biap dake ra·engani a·selsa ong·enga. Ia niamara a·songni chelchakgipa dolna political system-ko jako ra·china bilko on·ani ong·a. Indide iandakgipa ka·namgija niamko an·ching maidake ra·chakna amgen,” ineba Pa Lyngdoh agandapataha.
