Tura, Sep 23: Garo Hills-ni B-Mahal-o songdong a•chaenggipa manderangko a•rikgaljawa aro uamangni songdongchakenggipa biaprangko uamang man•rikchinan sorkari kamrangko ka•enga ine Sukrobar salo, a•dokni Chief Minister Conrad K Sangma, Sukrobar salo, Tikrikilla jolona re•angani somoio jinmana parakataha.
Chief Minister-ni talataniko on•angani gitade, indita bilsirangna manderangni songdong a•chabaenggipa biaprangoniko sorkari a•rikgalna miksongenga ine jangbingbanganiara politics-ni gita kal•anisan ong•aia aro sorkari, ia biaprango songdongenggipa manderangko a•rikgalna maming miksonganirang dongja.
Williamnagar-ni Balsrigittim aro Warima-o donggipa sorkarini a•arango songdongenggipa manderangni bidingo toe janapatengon, ia manderangko sorkari a•rikgalgija manderangna aro sorkarina namgni ong•na gitasa songgigrikaniko ra•baskaaha ine Chief Minister parakataha.
B-Mahal-o songdongenggipa manderangko sorkari a•rikgalna miksongenga ine agananiara da•o election sokbaengani gimin opposition dolrangni sorkariko galonna jotton ka•anisan ong•enga ineba ua talataniko on•angaha.
GHADC baksa nangrime a•dok sorkari, Assam-oni napdrabae songdongenggipa biaprangko sandienba ia biaprangko warachakna gita ja•kurangko de•gen ineba Sangma parakataha.
Indake ong•engon, Tura jillani je sorkari biaprangon manderang, indita bilsirangna songdongbaahachim, ia manderangna aro sorkarina namgni ong•na gita a•dok sorkari, dingtanmancha songgigrikaniko dakna sienga ineba Chief Minister parakataha.
