Shillong, Aug 30: West Garo Hills a•jani Babadam songo Medical Skill Hunar Hub-ko kulina gita Mongolbar salo Meghalaya sorkari ra•chakangaha.
The Medical Skill Hunar Hub will have space for 2500 students with hostel facilities, Pharmaceutical College, Paramedical College & Skill Development Centre.
This will be one of the largest Skills Centre for Medical Skills in the North East region@smritiirani @mansukhmandviya
— Conrad Sangma (@SangmaConrad) August 30, 2022
Mongolbar salo, Cabinet tom•a matchotani ja•man kobor ra•timgiparangna talataniko on•angengon, ia Medical Skill Hunar Hub-ko rikanio gong kror 151.95 koros ong•gen aro iano sak 2500 chatro chatrirangna biap donge iano chatro chatrirangna hostel-rang, pharmaceutical college, nursing college, paramedical college aro skill development centre-rangba donggen ine Meghalaya a•dokni Chief Minister Conrad K Sangma parakataha.
Chief Minister-ni parakatani gitade, salgro salaram jolrango an•seng baljokani a•bao kam ka•enggiparangna sanna banani kamrangko nambate on•na man•na gita ia project-ko 2020 bilsio a•bachengataha aro ia centre-ko West Garo Hills a•jao kulina sorkari tik ka•angaha.
Ia Medical Skill Hunar Hub-ko West Garo Hills a•jao kulina seokahani gimin talataniko on•angengon, ua somoio Minority Affairs Ministry-ni tangka paisani gita dakchake on•aniko West Garo Hills a•jamangmangsan man•engkuani gimin ia project-ko West Garo Hills a•jaon kulina gita ministry seokaha ine Chief Minister parakataha.
A•bachengode ia project-na gong kror 282-mangko chamahachim indiba proposal-ko taridaptaiani ja•man ma•mong sorkari, gong kror 151.95-ko chamataha ine janapatengon, ianoni 10 percent-ko Meghalaya sorkari on•gen aro bangki korosrangkode India sorkari on•skagen ine Chief Minister parakataha.
Ia project-na chamgipa tangka paisarangoni skanggipa bakkode watatmanaha ine talatangengon, ia kamko jako ra•e ka•na gita dakkienba KPI Engineering Pvt Limited-na pakwatmanaha ine Sangma parakataha.
