Shillong, Nov 16: Bading chiwalani kamrango gisik nanggipa manderangko dakchakna gita Shillong songjinmani Pine Wood Hotel-o donggipa State Convention Centre-o Chief Minister’s Start Up aro Corporate Social Responsibility (CSR) week-ko ong·atani Budbar salo salgni gapaha aro ia gnigipa salo, CSR-ni niamrangni gimin workshop-ko ong·atangan baksana dingtang dingtang program-rangkoba ong·atangaha.
Ia Chief Minister’s Start Up aro CSR Week program-ko Promotion & Incubation of Market Driven Entreprises (PRIME) baksana Invest India aro Start Up India nangrimenba, bading chiwalani kamrango gisik nanggipa manderangna, chatro chatrirangna, sorkari officer-rangna, NGO-rangna aro gipinrangnaba ong·atengachim.
Budbar salo workshop-ko bakgni dake, chong·motan Startup India ASCEND Workshop aro Invest India CSR Workshop & First Bootcamp Cohort katta bichongrangko ra·e ong·atangaha, jeon u·i-ma·sigipa manderang, bading chiwalgiparangna aro chatro chatrirangna, agan-talate on·anirangko dakangaha.
