Tura, Jan 9: Meghalaya Assembly-ni dakchakgipa agan-chalaitimgipa Pa Timothy D Shira, Williamnagar-ni MLA aro sorkarini Chief Whip Pa Marcuise N Marak, Bajengdoba-ni MLA Pa Ponseng Marak, Mendipathar-ni MLA Pa Marthon Sangma aro sorkarini official-rang gimikni dongpaanio, North Garo Hills a·jani ning·o donggipa Bajengdoba songni Bakenang Nalsa-o rikgipa Hamilton Stadium-ko Meghalaya-ni skotong minister Pa Conrad K Sangma, Sombar salo oprake on·angaha.
Overjoyed to inaugurate the Hamilton Stadium at Bajengdoba, North Garo Hills District 2yrs after laying its foundation
As promised, the NPP-led Govt. is continuing its mission to revamp sports infra in line with our goal to groom sporting talents in the state@ianuragthakur pic.twitter.com/7MvkxWWqn1
— Conrad Sangma (@SangmaConrad) January 9, 2023
Gimik gong kror 3.01 korosrangchi rikatgipa stadium-ko oprake on·anganio, a·dokni skotong minister ua stadium-ko Bajengdoba jolni manderangna dingtangmancha on·kangangengon, NPP-chi rikdilenggipa sorkari, kal·susaani a·bao Meghalaya a·dokni chadamberangna nambatgipa biap ba cholrangko on·na gita niksamsoani gnang kamrangko ka·ataha ine aganenba, ia stadium ba kal·chakramko apalbatatna gita nangdapenggipa tangka-paisarangkoba chame on·anggen ine Pa Sangma parakataha.
