Tura, Sept 07: A·song damgnini sima-ariko nitimenggipa sipairangni gisepo meli-nangrime donganiko rakkiani chin gita A·chik a·songni salgipengchipak donggipa South West Garo Hills a·jani Mahendraganj Border outpost-o songni bang·a manderangni bakko ra·e kal·giparangna chakgrimangtoka baksa Border sentinels BSF, songsul a·songni Border Guards of Bangladesh-ni sipairang baksa Butbar salo vollyball-ko kal·susaangaha.
Kal·susaanio bakko ra·anggipa gimik sak 15 member delegation ba Border Guards of Bangladesh-ni kal·giparangko 35 Battalion of BGB-ni commanding officer Md. Muntasir Mahmun aro staff officer Md Samsul Hoque-maang international sima-ariko ga·batbadilenba kal·suaanio dilangaha.
Indake, a·songi BSF kal·gipa dolko DIG, Tura Sector Headquarters BSF-ni DIG, Pa Alok Kumar Singh aro 28 Bn BSF-ni commanding officer Pa S K Mishra-maang dilangskaaha.
Uamangni gisepo namnamgipa aro ga·sugipa changgittam game-rangko kal·aha jeon soka-chakgipa BSF dol skanggipa game-o 25, BGB 19, gnigipao BSF 25, BGB 07 aro gittamgipao BSF 25 aro BGB 18 point-rangko man·e gimik game-rangon chegipa ong·aiaha.
