Assam, June 21: Assam a•doko mikka jimbee waanichi bang•en neng•nikaniko chagrongna nangenga. Chi bana re•anichi da•o dipat Assamo mande sia gimik gimang sak 82 ong•engaha. Mongolbar pringona kingking Songdu aro Barak chibimarang dal•anichi sak lak 48 na baten neng•nikaniko chagrongtokenga. Konta 24 ni gisepon sak 11 manderangni sianiko parakataha. Indake neng•nikenggipa manderangna Bhubaneswaroni NDRF dolrang Cachar districtona re•bae dakchakeaha. Assamni Cachar aro Karimganj districtrang da•onaba chi chi duulako man•e kenbegnigipa obostao ga•aktokenga. ” Dol 4 NDRF-rang Bhubaneswaroni Silchar-ona sak 105 naljokatgipa dolrang sokbaaha. Ang•a Home minister Amit Shahko mittelbejok” ine Assam skotong minister Hemanta Biswa Sharma aganaha.
4 units of @NDRFHQ , total 105 personnel/rescuers, with modern life saving equipment, are reaching Silchar at 1130 AM today from Bhubaneshwar to carry out rescue operations in Barak valley. Grateful to Honble HM @AmitShah for such prompt action and help. pic.twitter.com/f1l6QIWcsc
— Himanta Biswa Sarma (@himantabiswa) June 21, 2022
Sak lak 2, 07,143 Cachar districto aro sak lak 1,33,865 Karimganj districto manderang neng•nikao ga•aktokenga. Barpeta aro Darrang districtrang namjabatgipa obostao ga•akenga ine Assam Disaster Management Authorityoni u•iataha. Assamni ge•e game cha•gipa a•arang hectar 1, 13, 485.37, mang 33,84,326, matburingrang aro mang 5,232 matburingrang chio man•pake so•otako man•anikoba koboro u•iataha.
Chi banachi bang•bata biaprangan neng•nikaniko chagrongengani gimin North East Frontier Railwayba uamangni rel garirangni re•ruraaniko dikdiksana dondikatchengaha ine koboro janapaha.
