Shillong, June 9: Dolgnini gisepo meli-nangrime donganiko mesokna gita re•anggipa June-ni 8 tariko India a•songni Border Security Force (BSF) aro Bangladesh a•songni Border Guards Bangladesh (BGB)-ni tom•aniko ICP Dawki-o ong•atanio BSF-ni siparang, Bangladesh a•songni bilsi 12 ong•gipa chadambe saksako BGB-ni jako pakwate on•ataha.

Meghalaya a•doko donggipa BSF doloni koborko on•ani gitade, Bangladesh a•songni bilsi 12 ong•gipa Hasanur Jamal Abhik, re•anggipa June-ni 6 tariko India a•songona re•napbaahachim aro uko BSF-ni sipairang, Meghalaya a•dokni Dawki songo re•rame dongako nikahachim.

Indake ong•genchimoba, dolgnini gisepo meli-nangrime donganiko mesokna aro mandesakana ka•saaniko mesokna gita BSF-ni sipairang, ia chadambeko rim•e dongaigija, June-ni 8 tariko BGB-ni sipairangna pakwate on•atpilaha.

“Iandake mandeskana ka•saaniko mesokanichi a•song damgnini gisepo meli nangrimaniko bilakbatatani ong•gen ine chinga bebera•a aro chinga BSF-ni sipairang pangnan a•song damgnini sima jolrango manderangna dakchakaniko on•na dongtimenga,” ine BSF-ni official-rang parakataha.