Shillong, May 13: “Be humankind” ine katta bichongko done World Red Cross Dayko Shillongni Raj Bhavano Sukrobar salo maniangaha. Ia manianio Meghalaya a•dokni Governor Satya Pal Malik jean Indiani Red Cross Societyni padotpa ong•engachim mongsonggipa sokgipa ong•e bak ra•epaaha.
Red Cross Society ara manderangna dakchak-simsake dangdike on•gipa ong•a jean a•gilsako gitchambegipa dol ong•a. Ia dolni manderang an•tangtangko onatbee mande jatna dangdike on•giparang ong•a. Unigimin ia dolni manderang, ia kamna an•tangtangko on•kange kam ka•na nanga ine Governor aganangaha. Corona sajinmani somaio Red Cross Societyni manderang an•tangtangko on•kange kam ka•ahanina mittelpilani kattarangkoba ua janapangaha. Ua Red Cross Societyni Flagko badalataha aro ia dolni gital member rangna certificaterangkoba sualjolangaha.
World Red Cross Daykoara bilsiantian May jani 8 tariko Henri Dunant ingipa Swiss businessman ni atchiani salko gisik ra•e manirongrongenga. Ua mandean neng•bee aro rakbee kam ka•anichi International Committee of the Red Cross ko a•bachengate Red Cross Societyni symbol ba chinkoba on•chenggipa ong•achim.
