Shillong, Oct 12: Delhi-Kamakhya Northeast Express rel gari Biharni Buxar districto re·gele ga·akgipao Meghalaya a·dokni manderang dongode ta·rake dakchakaniko am·china gita phone nombor bikotaha. Uan DIPR-ni helpline number 1800-345-3644 ong·a. Ia nomborona ka·e a·selo ga·akgipa Meghalayani manderang dakchakaniko bi·na man·gen ine sorkari u·iataha.
Unbaksana, ta·rake dakchakaniko man·a gita ia manderangna kobor on·atna man·gen ineba sorkari u·iataha: K. Thabah, Meghalaya House Guwahati (7896167945), I Kharmon, District Transport Officer, Ri-Bhoi District (887003923), Richie Momin (9615208771), aro Hubert Nongbri (7005627065).
A·dokni Chief Minister Conrad K Sangmaba kosako janapgimin helpline numberni bidingo Twittero see parakataha. “Chinga railwayni manderango kobor ra·e donge a·sel ong·ani bidingo nirokatenga. Meghalaya a·dokni manderang helpline no. 18003453644-ona phone ka·e a·dok sorkarini dakchakaniko bi·na man·gen,” ine ua Twittero seataha.
CM indakeba sekuaha: “Northeast Express rel gari a·sel ong·gipani bidingo Ashwin Vaishnaw-ming golpoataha. Saknaa man·giparangko hospitalrangona ra·angenga aro songreangkuna gipin cholrangko dake on·ani a·bachengaha ine ua aganataha. A·sel ong·ao dongpagipa Meghalayani manderangna dakchakna a·dokni officialrang nangrime kam ka·enga.”
Iakoba poraie nina man·gen: Ong·nasienggipa eleksino BJP-ni tikitchi susana, Mizoram assembly-ni agan-chalaitimgipa kamtangko wata
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
