Imphal, Feb 28 : Budbar salni bako Manipur-ni Governor Anusuiya Uikey, a•doko niamgri poppy pul ba pekatani sam ko tarigipa pul ko ge•gipa biaprangko 3010 acre-rangni gita sorkari ru•siate galaha ine aganangaha. 12-gipa Manipur Assembly-ni 5 gipa session-o, sorkarini rakbe•e kam ka•anichi niamgri poppy pul ge•anirangko ko•miatna man•aha ine Manipur-ni Governor aganangaha.
2021-2022 bilsirango poppy ge•ani 28,599 acres-rangni gita ong•pilachim indake ia 2023-2024 bilsio 11,288 acres-ni gita ko•miatako man•aha jekon name niatgenchim ong•ode 60% mang komiani ong•a. Ia niamgri poppy pulrang ko ge•ani komiroroanganira sorkarini “War on Drugs” ia katta bi•chongko ra•e rak•bee kam ka•anirangni a•sel ong•na man•aha ine ua aganangkuaha.
Ia “War on Drugs 2.0” da•oba ong•kuenga. 2023 bilsio 72.9 kg heroin, 147.1 kg opium, 195.2 kg ganja (marijuana), 111.3 kg brown sugar, 155.3 kg Methamphetamine tablet-rang aro 33.3 kg pseudoephedrine tablet-rang aro dingtang dingtang pekatgipa bosturang baksa rim•na man•aha ine Manipur-ni Governor agandapangkuaha.
Narcotic Drugs and Psychotropic Substances (NDPS) 1985 Act-ni ningo chu•gimik 288 mang case ba mokordomarangko segataha indake 2023 bilsio sak 333 manderangko pattok ningo chipata man•tokaha.
Na·simang iakoba Knana man·gen:
Na·simang iakoba poraie nina man·gen: “CAA ko ra•gatna man•jawa”: Assam opposition dolrang President-ni aganpaaniko nangnika
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
