Tura, Feb 22: Batanggimin bilsi 30-ona bate, bilsi gittamni gisepon National People’s Party (NPP)-chi dilgipa sorkari rama jal•langrangko bang•bate tariaha ine Budbar salo, NPP-ni national president Conrad K Sangma, Mendipathar constituency-o NPP-ni candidate Marthon Sangma-na campaign ka•engmiting somoio parakataha.
An enthusiastic crowd rejoicing with the NPP at Dilma Apal under Mendipathar Constituency in the campaign for our candidate, Sh. Marthon Sangma.
The people’s overwhelming support yet again has sealed the victory of NPP in Mendipathar.
NPP for Mendipathar! NPP Again for 2023! pic.twitter.com/3St38Uropi
— Conrad K Sangma (@SangmaConrad) February 22, 2023
Sangma-ni aganani gitade, batanggimin bilsi gittamni gisepo NPP sorkari, PMGSY-ni ning•o km 200-mangni gita ramarangko tariaha aro songadam nokadamrango donggipa lak 3.5 manderangna chi pipe-rangko sale on•na man•aha.
Dingtang dingtang scheme-rangko chu•sokatani gimin India sorkariba Meghalaya a•dokko mittelpilaha ineba ua aganaha.
Garo Hills-ko so•sojengjeng ong•anirangna namen mingsing-minggamachim ine janapatengon, batanggimin bilsi bongani gisepo a•doko bang•en dingtanganiko nikna man•aha aro da•o manderang maming champengani aro kenchakani grian bading chiwalani kamrangko ka•e cha•na man•engaha ine NPP-ni national president parakataha.
NPP-ara silchidarerangchi manderangko kenatgipa dol ong•ja indiba manderangni neng•nikanirangko knachakgipa dolsa ong•a ineba Sangma aganaha.
