Tura, Feb 22: Batanggimin bilsi bongani gisepo Meghalaya a•doko bang•bata political dolrangan bilgriangaha aro National People’s Party (NPP)-sa bilakbatbaskaaha ine Budbar salo, Resubelpara constituency-ni Daram kal•chakramo, election campaign ka•angengmiting somoio NPP-ni national president Conrad K Sangma parakataha.
Dilgipako seokani sal sepangbaroroengahaon, NPP-ni national president-ba uni campaign ka•aniko bilakbatroroatskaenba Budbar salo, ua North Garo Hills a•jani Resubelpara aro Mendipathar constituency-ni candidate-rangna, chong•motan Timothy D Shira aro Marthon Sangma-na campaign ka•angaha.
As the People’s own party, we are sensitive to their concerns & we will continue to protect their rights. The NPP will continue to be the people’s voice and will shun any outside interference in matters concerning our rights, our people and our State.
NPP for Meghalaya! pic.twitter.com/CfMcdiz4Lm
— Conrad K Sangma (@SangmaConrad) February 22, 2023
“2018 bilsiode Meghalaya a•doko politics-ni obostarang namen dingtangachim indiba da•alo ian namen dingtangaha. Batanggimin bilsi bongani gisepo bang•bata political dolrangan bilgriangaha aro NPP-sa bilakbatgipa dol ong•baskaaha,” ine Sangma aganenba, pu•onani salo pilakkon re•bae NPP-na pu•onchina gita didiangaha.
Sangma-ni aganani gitade, batanggimin somoirango Congress dol, Garo Hills jolrango namen bilakgipa ong•achim indiba bang•bata dilgiparangan TMC-o napangtokahani gimin da•o Congress dolba bilgriaha.
Congress aro Trinamool Congress (TMC) dolgnian doltangtangko bilakatna gita rakbee kamrangko ka•enga indiba chu•sokgipa ong•jawaha ineba ua aganaha.
Manderangni nangnikanirangko chu•sokatanian NPP-ni skanggipa daito ong•a ine janapatengon, 2018 bilsio ku•rachakanirangko NPP chu•sokataha aro da•o mikkangchiba namroro silroroani kamrangko ra•bana on•kangengkua ine NPP-ni national president parakataha.
Gipin dolrangoni re•bae NPP-na chakpaanirangko on•enggipa dingtang dingtang dilgiparangkoba ua mittelpilangaha.
NPP-an sorkariko rikpiltaigen ine janapattaiengon, ia 2023 bilsiode dolsanchi chegope sorkariko rikna NPP ka•dongenga ine Sangma parakataha.
