Shillong, May 29: Batanggimin bilsiskuni gisepo a·songni Prime Minister Narendra Modi-ni dilanio ma·mong sorkarini chu·sokate on·gipa kamrangko mesoke on·na gita Sombar salo, Meghalaya BJP dingtangmancha program-ko ong·atangaha.
Ia program-ko a·dokni BJP office-o ong·atanio ma·mong sorkarini pal, Social Justice-ni Union Minister of State Pratima Bhowmik, media-ni manderangna agan-talate on·angengon, Modi sorkarina skang Congress dolni dilanichi sorkariko chalaianio a·songni manderang namjabatsranggipa somoirangko chagrongna nangahachim indiba Prime Minister Narendra Modi-ni dilanichi ia sorkari jako ra·a intalan a·songo bang·en dingtanganiko nikna a·bachengaha ine parakataha.
COVID-ni somoio ia sorkari, darang jat ba toromko mikkang nitee, tikarangko on·jaha ineba Bhowmik parakataha.
Bhowmik-ni parakatani gitade, BJP sorkarini ning·o crore 9.6 nokdangrang indin LPG connection-rangko man·aha aro sajinmani somoirangoba crore 80 manderangna cha·ani bosturangko indin on·aha.
A·songni manderangna ia BJP sorkari, gong lak 5-ona kingking indin sanna banani cholrangko on·aha ineba ua aganaha.
National Highway ramarangko salantian bakrodapatenga ine janapatengon, 2014 bilsiona kingkingde NH ramarang km 91,287-san dongaiachim indiba ia bilsiskuni gisepom km 53,868-na baten NH ramarangko Modi sorkari taridapaha ine Bhowmik parakataha.
Iakoba poraie nina man·gen: Manipur-o police saksako man·chape sakbonga manderang so·otako man·a
