Agartala, Jan 19: Tripura a·doko pu·onani tarikko Election Commission-ni parakatani adita kontarang ja·man, batanggimin changrango ong·rongenga gitan a·doko sasonni bilko jako ra·enggipa Bharatiya Janata Party (BJP) aro warachakgipa Congress dolni gisepo West Tripura-ni Jirania aro Mohanpur sub-division-rango dingtang dingtang kajia-golmalrang ong·anganichi All India Congress Committee (AICC)ni general secretary Dr. Ajay Kumar-ko man·chape adita sak dolna chakgiparang bilongbee saknaa man·tokaha ine koborko man·soaha.
Ia obostani bidingo a·jani police-ni koborna agan-talatani gitade, BJP aro Congress dolni gisepo kajia-golmal ong·grikaniara Congress dolni motorcycle sale re·jomaniko dakmitingo somoio ong·aha.
Ua somoio motorcycle bolsako sale re·enggipa Congress dolni saksa dilgipa Dr. Ajay Kumar baksana Tripura BJP dolni sakgipin dilgipa aro cabinet minister-ba ong·enggipa Pa Sushanta Chowdhury-maangni gisepgriko ku·sikchi adita jegrikanirangkoba manderangni video-rangko ka·e ra·gipaoniko nikna gita man·ahachim.
