Shillong, Jan 19: Bharatiya Janata Party (BJP) dol mikkang jao ong·nasienggipa assembly election-o chu·gimik dam 60 seat-rangon susana gita tariahaoba, a·doko ong·enggipa political-ni a·barangko nigrikatenba seat ge 10 oni ge 15 kosan chena ka·dongenganiko BJP dolni padot Ernest Mawrie Bristibar salo parakangaha.
Ua ge 10 oni ge 15 seat-rangara uamangni chena mangsongenggipa seat-rangan ong·a aro ua seat-rangkode chena gita dolo ka·donganirang dongbatenga ine BJP-ni padot Pa Mawrie, kobor ra·timgiparangna aganangaha.
Ianpakni eleksino BJP dol, bang·bata seat-rangkon chena gitade ka·dongenga indiba dolni gisepo survey ka·gimin gitasa chinga iako ra·baenga ineba Pa Mawrie agandapataha.
“Koborrangko see parakaniko ba lekkaonikosan chinga pangchakaina gita nangnikja, aro central committee tom·anio chinga je report-ni gimin damsan chanchirimahachim uan kakket ong·a”, ineba Pa Mawrie agandapataha.
