Shillong, Mar 1: Bharatiya Janata Party (BJP)-ni dakchakani gride darangba Meghalaya a•doko sorkariko rikna man•jawa ine Budbar salo, BJP-ni state president Ernest Mawrie a•kangattaiaha.
BJP gride darangba sorkariko rikna man•jawa ine janapatengon, ia election-o BJP dam 10 seat-rangna bate chegenchimode, apsan dake chanchigipa gipin dolrang baksa bakrime sorkariko rikgen ine Mawrie parakataha.
Mawrie-ni parakatani gitade, BJP baksa bakrimna sienggipa dolrang, uamangni nangnikani gita apsanko chanchigipa, tangka paisa jakkalsretaniko jegalgipa aro a•doko tom•tomani baksana namroro silroroanina chakgipa dolrang ong•na nanggen.
Joltangni political dolrang, jekai HSPDP, UDP, PDF aro uandakgipa dolrangna BJP do•garangko oe dongen ineba state president parakataha.
