Shillong, Feb 1: Re•anggipa Robibar attamo Shillong songjinmani Police Bazar-o IED bomako goprete a•doko so•sojengjeng ong•ataniko ra•bagipa manderangna sorkari nanga gita sastiko on•gen ine Mongolbar salo a•dokni Chief Minister Conrad K Sangma parakataha.
HNLC bobil dolko agangrikna okamchina dabienggipani bidingo janapatengon, bobil dolko agangrikaniona rimbana gita sorkari jotton ka•engachim indiba uamangni dongimin niamrangko ma•mong sorkari ra•chakna man•jaengani gimin uamang niam dongijasa agangrikna re•bana nanggen ine Chief Minister parakataha.
Mikkangchi iandake so•sojengjeng ong•atani kamrang dongjana gita sorkari mikrake kamrangko ka•gen ineba ua manderangko kenjagokjachina gita didiataha.
