Shillong, Aug 10: Mongolbar salo Shillong songjinmani Laitumkhrah-o IED bomako gopretani gimin Meghalaya a•dokni Chief Minister Conrad K Sangma, suk ong•gijaniko parakatenba, ia bomako gopretanio jak donggipa manderangni kosako rakbatgipa ja•kurangko de•anggen ine parakataha.
“Boma gopretaniko Cabinet raken jegalenga aro boma gopretanio jak donggipa manderangni kosako rakbatsranggipa ja•kurangko de•na tik ka•aha,” ine boma gopretani ja•man Chief Minister, kobor ra•timgiparangna parakataha.
Re•anggipa July jao Khliehriat-o IED bomako gopretgipani bidingo janapatengon, Khliehriat-o aro gipin biaprango boma gopretgipa manderangkoba police-rang rim•na man•aha aro apsan daken Mongolbar salo Laitumkhrah-o boma gopretgipa manderangkoba sandie rim•gen ine Chief Minister parakataha.
