Indake ong·engon, Dhubri, Goalpara, Guwahati, Tezpur, aro Nematighat jolrango da·omangba Brahmaputra chibimani dal·anirang namen jajrenggnio ong·engpiti ine Central Water Commission parakataha.

University-ni Vice Chancellor-rang, minister-rang, a·songgipinni baltigiparang, institution-ni dilgiparang aro a·dokni bang·a gipin niksenggipa dilgiparang gimikni dongpaanio, Ri-Bhoi a·jani Khanapara, 9th Mile -o donggipa University of Science and Technology Meghalaya (USTM)-ni skugipa Convocation-ko Bristibar salo ong·atangaha.

Indake ong•engon, iani bidingo uamang September-ni 4 tariko a•dokni Chief Minister Conrad K Sangma baksa tom•e agangrikanggen ineba Dohtdong parakataha.

Ia a•sel ong•ani ja•man sipai dolrangoniko ra•seke ra•anggipa silchidarerang, gulirang aro bilakbegipa bomarangkoba sipai dolrang man•aha.

Iana agreba, FKJGP, Mawkyrwat-ni bajar-anti cha·ram biapo walni somoio ong·na kragija obostarang ong·gnioniko champengsoani gita police-rangko donatchinaba a·jani Deputy Commissioner-ko mol·molangjolaha.

Tangka paisarang dongjae ia Children Home-rangko chalaianio aro kam ka•giparangna dormaharangko on•anio neng•nikanirangko chagrongna nangenga ineba official-rang parakataha.

Tura Lok Sabha seat-na candidate-ko seokna gitade ua TMC parliamentary party-ni dilgipa Dr Mukul Sangma-na pakwate on•angskaaha.

Bilsiantian songni manderang an•tangtangsa ia ramako tarie re•ruratokenga ineba jolo songdongenggipa manderang parakataha.

Adasa-abisa ong·e ka·sagrikaniko Hindu toromo bebera·giparangni bilsianti manirongenggipa Rakshabandhan-ni salo, skul aro college-ni chatrirang aro me·chik dolrang nangrime programko ong·atenba, Megahalaya aro Bangladesh -ni sima-arirango nitimchina donata man·gipa CRPF sipairang aro paramilitary sipai dolrangni jakgitokrango Rakhi-rangko kae Butbar salo Shillong-o maniangaha.

Mija Mongolbar salo, West Garo Hills a·jani Phulbari ning·o ga·akgipa Chibinang songni Rongsai chibimao auenba saksa dambe me·a bi·sa sripe siaha ine koborko man·soaha.