Manipur a·dokni police-rangko an·seng baljoke aro mangrake rakkina gita police-rangna training-rangko on·dapanggen ine Manipur a·dokni Chief Minister N Biren Singh parakataha.

Robibar walo, Assam Dibrugarh a·jani Banipur jolo donggipa Dhekeri Gaon songo, bilsi 17 ong·gipa me·tra saksani manggisiko man·aha.

2010 bilsini April ja dipet bon·atgipa Old Pension Scheme-ko tangatpiltaichina aro Lower Primary skulrango skigiparangna jaantian somoi gita dormaharangko on·an baksana skigiparangni kamko regularize ka·china dabie, Sombar salo All Meghalaya Primary School Teachers Association (AMPSTA), jinma re·jomaniko ong·atangaha.

Balkarin aro Laben baksana police-rang, ACHIK-ni sakgipin dilgipa Bernitha R Marak-koba rim·na sandiengachim indiba da·o dipet uko rim·na man·skakujaengachim.

Ia milsi pesusaaniko ong·atenggipa dolni uiatani gitade, pokkrio dongsogipa na·tokrang baksana uamang quintal 2 na·tokrangko watdapaha.

Pa Sing, unomiting kobor ra·timgiparangna aganangengon, Ministry of Sports and Youth Affairs-ni niamko ja·rikgija bang·a a·dokrangon dingtang dingtang Taekwondo Association-rangko bikote chalaienganiko aro Championship-rangko ong·atenganiko nikna man·a jean maming orto dongja, uni gimin, India sorkarini dongimin niamo pangchake Taekwondo Federation of India, a·dok damsaoniko association ge·sakosan ra·chakna gita tik ka·aha aro ra·chakgimin association-onikosa national aro international game-rango bak ra·e susaatna gita susagiparangko seokanggen ine parakataha.

Administration-ni nok-jamrangko pe·e galani gimin salni bako sak 1000 mang jingjengatgiparang aro chel·chakgipa dolrangni gisepoba adita nanggrikangaha.

Ia tom•anio a•dokni Chief Minister, dol 18 Village PES Committee (VPC)-rangna gimik gong lak 64.82-ni cheque-rangko sualataha aro ia cheque-rangko sualatanio, West Garo Hills a•jani Deputy Commissioner Jagdish Chelani, SP Abraham T Sangma aro dingtang dingtang officer-rangba dongpaaha.

Hospital-ko nirokanganio uamang, Hospital-ni Medical Superintendent, Dr. Ebenezer War aro gipin doctorrangkoba gronge uamang baksa agangrikangjolaha.

Janggi tanganio kamrangko ka•engon, mongsongbate politics-ni kamrango, pangnan manderangkosa skang done kamko ka•china gita uni pagipa PA Sangma sagi, an•tangni dedrangko skirongachim ineba Chief Minister parakataha.