Shillong, April 26: India a·songni bang·bea chadamberang kam gri indin roenggiparang bang·bea. Ua chadamberangna maiaba kamrangko on·na sorkarini ku·rachakgiminrang gnang. Chadamberangko gisik nangatna aro didianiko on·a ine miksongao chang 15 gipa Rozgar Melako Shillongni State Convention Centre-o ong·atangaha aro ua tom·anio Minister of State for External Affairs and Textile Pabitra Margherita mongsonggipa sokgipa ong·aha.
2004 oni 2014 bilsirango UPA sorkari rikmitingo sorkarini kam nakatatani aro da·o Modi sorkarini somaio ong·enga obostarangko Margherita tosusae aganaha. ” UPA sorkari rikmiting salrango lak 7 sorkarini kamrangko India gimiko ong·katataha. Indioba da·o rikenggipa sorkari de Modini nambee dilanichi batanggimin bilsi 10 ni gisepo lak 10 kamrangko aro 96, 000 sorkarini kamrangko ong·katatna man·skaaha aro darangnaba mikkang nitegijaan kamrangko on·aha” Margherita aganaha.
Pradhan Mantri Mudra Yojana (PMMY) aro PM Street Vendor’s AtmaNirbhar Nidhi (PM SVANidhi) iandakgiparang manderangna janggi tangani cholkosan on·aijaha indiba a·songko tang·doatna namen dakchakani ong·beaha ineba ua agandapaha.
“A·song gimiko sak 51000 manderangna sorkari kamo rakina gita lekkarangko sua·manaha. Automobiles, ja·kop tariani aro ugita dakgipa gipin bosturangko gipin a·songona bang·bate watatna man·aha” ine chadamberangna didiani kattarangko a·songni Prime minister Online gita aganprakataha.
Ia Rozgar Mela India gimiko chadamberangna dingtang dingtang sorkarini kamrango kamna gale kam ka·china didienggipa program ong·a. Ia Shillongo ong·atanggipa Rozgar Melao bang·a chadamberang bak ra·paaha jeon kamna rakkiani lekkarangko (appointment letters) ba sualjolangaha.
Na·simang ia video-koba nina man·gen:
Na·simang iakoba poraina man·gen: A·songtangni kosako ong·gija kattarangko agangiparangko Assam CM mikrakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
