26.5 C
Tura

Child rightsni bidingo Salsani programko ko Shillongo ong•ata

Must read

Shillong, March 29: Salgro-Salaramni kobor agangipa dolrangna bi•sarangna sorkarini on•gimin niam aro chelchakani bidingo ba Child Rights-ni gimin salsani tom•ani ba workshopko Mongolbal salo Shillong songjinmao ong•ataha.

Ia workshopo bi•sarangko ong•gija jakkalaoniko chelchakna aro uamangko pilak namgija kamrangoniko niamo pangchake chelchakaniko on•ani gimin skie talate on•angaha.

Bi•sarangko palsrukani, kam ka•ramrango drae kam ka•atani aro uandake gipin namgija kamrangoniko chelchakani kamrangko nambate dakna man•ani bidingoba golpogrikangaha.

Ia workshop-o mongsonggipa agan-golpogrikaniara CPCR ni section 13 (1)-o pangchake bi•sarangna chelchakani niamrangko somai gita nirokani aro taridapani aro dingtang dingtang programrangko ong•atani ong•ani gimin, bi•sarangna nambata chelchakaniko on•a nambatgipa niamrangko ra•baani gimin agan-talatanirang aro golpogrikanirangko dakangaha. Un baksana 2012ni POCSO act, ni gimin aro dingtang dingtang bi•sarangna chelchakna man•gipa niamrangni giminba agan-golpogrikangaha.Bi•sarangko chelchakani niamrangni bidingo aro uarangko name ja•rikani aro dakani bidingo agangrikna Meghalaya State Commission for protection of Child Rights baksa nangrime Shillongni Pinewood hotelo ong•atangaha.

More articles

-->
-->

Latest article