Shillong, July 30: Salgnina ong·atenggipa Commonwealth Parliamentary Association (CPA) India Region-Zone-III-ni chang 20-gipa Annual Conference-ko Robibar salo, Lok Sabha-ni Speaker Om Birla, do·ga oe on·angaha.
Ia annual conference-ko do·ga oe on·angani somoio ua jinmana aganprakangengon, Lok Sabha-ni gitcham Speaker aro Meghalaya a·dokni gitcham chief minister Purno A Sangma sagini on·gilanggipa kamrangko gisik ra·atpilangenba, Parliament-na aro a·songna uni on·gilanirangko pangnan gisik ra·kamgen ine parakataha.
CPA Zone III Northeast-ni gimin janapatengon, ian an·tangtangni nanganirangko apsan chanchirimna aro cholrangko sandina gita delegate-rangna namgipa biap ong·a ine Birla parakataha.
Ia salgnina ong·atenggipa CPA Zone III-ni tom·bimonganio, salgro salaram jolrango rama jal·langrangko namdapatani, ong·telaigipa a·selrang aro iandakgipa neng·nikanirangko namatna cholrangko sandiani bidingo chanchirimanggen.
CPA India Region Zone III-ni annual conference-ko a·bachengatanio dongpae bakko ra·anggipa gipin manderangara, Meghalaya a·dokni Chief Minister Conrad K Sangma, Rajya Sabha-ni Deputy Chairman Harivansh Narayan Singh, Meghalaya Legislative Assembly-ni Speaker Thomas A Sangma, Arunachal Pradesh Legislative Assembly-ni Speaker aro CPA India Region Zone-III-ni Chairman Pasang D Sona baksana gipin dilgiparang ong·a.
Iakoba poraie nina man·gen: Assam-ni gital Assembly building-ko Lok Sabha Speaker nokdonggae on·a
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
