Tura, Jan 12: Congress dolni gitcham MLA Noverfield R Marak, ia chang Assembly election-o North Tura constituency-oni susana gita Trinamool Congress (TMC)-ni tikitko man•rikjahani gimin Bharatiya Janata Party (BJP)-o napangskaaha.
North Tura constituency-oni susana gita TMC-ni tikitko Marak-na on•gija, Tura-ni gitcham MDC Rupert M Sangma-na on•skaahachim.
BJP-o napanggipa Noverfield Marak, 2023 bilsio North Tura-ni MLA-na seokako man•ahachim indiba 2018 bilsini Assembly election-o ua National People’s Party (NPP)-ni candidate Thomas A Sangma-ni jako amako man•rikskaahachim.
Indake ong•engon, Noverfield Marak baksana North Tura constituency-ni sakgipin candidate Adamkid A Sangma-ba apsan salon, BJP-o napangaha. Ia chang Assembly election-o uaba North Tura constituency-oni TMC-ni tikitchi susana dorgastoko galahachim ine nikna man•a.
