Shillong, Apr 5: Gitcham Congress sorkarini National Thermal Power Corporation (NTPC) baksa Power Purchase Agreement (PPA)-na soi ka•grikaniara da•o dipet a•doko namjabatsranggipa songgigrikani ong•enga ine Meghalaya a•dokni Deputy Chief Minister aro Power Minister Prestone Tynsong parakataha.
Tynsong-ni parakatani gitade, 2007 bilsio a•dokni manderangna bijoliko on•aniara unit-prako gong 4-an gapkujachim indiba ua somoio Congress sorkari, unit-prako gong 6/- ka•e PPA-o soi ka•skaahani gimin ian chanchininggija songgigrikani gitasa ong•aiahachim.
Meghalaya a•doko bijoli chu•ongjaengani giminsa 87 mega watt bijoliko ra•bana MTPC baksa PPA-o soi ka•grikahachim indiba unit-prakon bijolini damrang rakdugaahani gimin 2015-16 bilsirangonin Meghalaya sorkari, NTPC-oniko bijoli ra•bajahachim ine talataniko on•angengon, indake ong•genchimoba bilsiprakon sorkari, gong kror 120-ko gamskana nangaha ine Tynsong parakataha.
2018 bilsiona kingking a•dok sorkari, gong kror 1000 batpile NTPC-na gamaha ineba Deputy CM parakataha.
