Shillong, Aug 3: Meghalaya sorkarini LP skulrango contract-na skigiparangko kamo ra•piltaichina skigiparang dabitokengon, skigiparangko kamo ra•piltaina nangani katta dongjaha ine Budbar salo, Meghalaya a•dokni Education Minister Lahkmen Rymbui parakataha.

Education Minister-ni parakatani gitade, skigiparangko kamo ra•ani kamrang matchotmanaha aro je manderangan skigipani kamna qualify ong•achim, uamangde kamo rakkiako man•gen.

Kam bon•atako man•gimin skigiparang, jemangan bilsi bate da•o gipin kamrangko ka•e cha•na chol ong•tokjaengahachim, iandakgipa skigiparangni gimin sing•on, ia skigiparangko kamo ra•sochengasan ong•aia aro iako manderang ma•sichakna nanga ine Rymbui parakataha.

Bang•a skulrangon skigiparang chu•ongjae chatro chatrirang neng•nikanirangko chagrongna nangtokenga ine opposition dolni matnangenggipani gimin janapatskaengon, mitam skulrango skigiparang dongbebeja indiba ia kamrangna sorkari, advertisment ba u•iataniko on•chengesa skigiparangko rakkigen aro je manderangan skigipani kamna qualify ong•a uandakgipa manderangko ia kamrango rakkigen ine Education Minister parakataha.