Shillong, Nov 23: U-19 me•asa dolrangni Cooch Behar Trophy-na kal•susaanio, Delhi aro Meghalaya baksa susaangaha aro ia susaanio Delhi dol chegipa ong•aha.
Ia Group A-ni kal•susaaniko, MCA Ground-o Sonibar pringni bako susaangaha.
Meghalaya dolni sak 10 wicket-rangkon Delhi doloni robol gochengchipa sakgni bowler-rangan, chong•motan, Udhav Mohan 5/59-ko 24.4 over-o aro Arnav S Bugga 5/46-ko 22 over-o wicket ra•e siataha. Una agreba, Delhi dolni 623/5 innings ong•mitingo, uamang dolni Dhanya Nakra baksa Arnav 114 score-ona dokaha aro Aaryavir Sehwag 297 score-ona dokskaaha.
Indake Meghalaya doloni, Gaurav Narleng, skanggipa innings-o 95 score-rangko doke man•aha aro Kshitij Singhania 62 score-ona dokskaaha aro uamangni dolna 260/10 score-ko man•e on•aha. Uamang doloni bowler-rangban krenge robolrangko nambate gona jotton ka•genchimoba chegipa ong•na man•jaha.
Meghalaya dol, November 28 tariko Baroda dol baksa susaanggen. Indake Baroda dol, ia changni kal•susaanirangko dol 3-ni kosako chegipa ong•baaha aro iachin uamang dolsa bilakgipa opponent ong•a ine sakkiko on•aha.
Na·simang ia video-koba nina man·gen:
Na·simang iakoba poraina man·gen: Manipur-o so•sojengjeng ong•anirang batroroenganina chel•chaksoenggipa dolrangko watdapata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
