Imphal, Aug 25: Manipur -ni Sadar Hills a·jao jatna mikkangchake kamko ka·dilenggipa organisation, Committee on Tribal Unity (CoTU), a·doko golmal aro so·so-jengjeng ong·anirangna Armed Forces Special Powers Act (ASFPA)-ko mitam biaprangoniko ra·galpilaniko dosi on·enba, Manipur a·doko ia niamko ra·gatpiltaichina gita Sukrobar salo dabiangaha.
Iani bidingo, CoTU-ni media cell coordinator, Luna Kipgen-ni koborna agananganio, “AFSPA-ko a·dokoniko ra·galpilani a·selsa a·dok gimik golmal aro so·so-jengjeng ong·na gita a·bachengaha, uni gimin da·o ong·enggipa obostarangko tom·tomatpilna gita ia niamko a·doko ra·gatpiltaichina chinga dabienga ine agan-parakataha.
Batanggimin somoio a·dokni a·kawe jolrangoniko AFSPA-ko ra·galani a·selsa da·alo Manipur a·doko so·so-jengjeng ong·anirang batesa nambatgijaona sokangsrangaha ine janapatengon, kajia-golmal ong·ani da·o sal 100 batpilaha, indimangba chinga, Manipur-o songdonggipa Kuki-Zo manderang da·alona kingking kenchichipe dongna nangengpiti ine parakatan baksa, ia kajia-golmalni somoio gitcham MP-rang, MLA-rang ba da·o minister ong·enggiparangni nokrangko manderangni so·chipaniara a·songni niam-bidiko on·sogimin niam aro ge·etanirangni kosako ong·jama ine ine Kingpen ma·mong sorkario sing·doangaha.
A·dokoniko lak 5 bata slai gullirangko aro pong hajal 6,000-na bata silchidarerangko ra·seke kataniara a·songni niamni kosako ong·jama, aro jatgipinni kosako mitchianiko ra·bana a·dokni skotong minister Pa N Biren Singh-ni agangipa kattara niamni kosako ong·jama ineba CoTU sing·doangkuaha.
Manderangni ra·seke katgipa silchidare aro gulli-barutrang chu·gimikko man·pilkuja dipetde a·doko tom·tomaniko sokatbapilna, niam aro ge·etanirangko namedake manina man·ani nikjumanga gitasan ong·aikugen, indiba rasong gribee ra·seke katgipa bosturangko man·pilanirang da·alonaba namen komiengkua ine Kingpen agandapataha.
Iakoba poraie nina man·gen: Reservation Policy-ko nipilna Madhya Pradesh HC-ni gitcham Judge-ko Expert Committee-ni chairman songa
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
![Pinterest](https://pinterest.com/pin/create/button/?url=https://hubnetwork.in/cotu-manipur-o-afspa-ko-ra%c2%b7bapiltaichina-dabianga/&media=https://hubnetwork.in/wp-content/uploads/2023/06/Manipur-Indian-Army.jpg&description=Iani bidingo, CoTU-ni media cell coordinator, Luna Kipgen-ni koborna agananganio, "AFSPA-ko a·dokoniko ra·galpilani a·selsa a·dok gimik golmal aro so·so-jengjeng ong·na gita a·bachengaha, uni gimin da·o ong·enggipa obostarangko tom·tomatpilna gita ia niamko a·doko ra·gatpiltaichina chinga dabienga ine agan-parakataha.){kind=link}