Shillong, Feb 9: 2020-21 bilsirango COVID-19 sajinmani chel•chakna gita ma•mong sorkarini Meghalaya a•dokna chamatgipa tangka paisarangko jakkalsreta ine matnangenba, iani bidingo North Shillong constituency-ni VPP candidate Adelbert Nongrum, Bristibar salo, Shillong songjinmani Sadar Police Station-o FIR ka•angaha.
Nongrum-ni parakatani gitade, uni MLA ong•engmiting somoio, COVID-19-ni kamrangna ma•mong sorkarini chame on•atgipa tangka paisarangni bidingo ua Assembly-ni Autumn Session-o sing•doangon, a•dok sorkarina gong crore 76.56 tangkarangko chamataha inesa Health Minister, una aganchakaniko on•ahachim.
Indake ong•genchimoba, COVID-19-ni kamrangna chamatgipa tangka paisarangni bidingo mande saksani RTI ka•e am•sandion, a•dok sorkarina gong crore 119 tangkarangko ma•mong sorkari chamatahachim ine ma•sina man•aha, indide gong crore 42.44 tangkarangara bachi gimaaha ine North Shillong-ni gitcham MLA sing•doataha.
Iani bidingo ua FIR-ko ka•engon, sorkariko ba sakoba ba health department-ko potchipe FIR ka•enga ong•ja indiba ua a•doko songdongenggipa mande saksa ong•e iani bidingo ma•sina sikengani giminsa FIR-ko ka•aha ine Nongrum talataniko on•angskaaha.
