Shillong, May 24: Meghalaya a·doko COVID-19 man·e noktangtango nape dongna nangenggipa pilak manderangnan a·dok sorkari nangchongmotgipa bosturangko on·e dakchaktaina tik ka·angaha.
Sombar salo, Meghalaya a·dokni Chief Minister Conrad K Sangma-ni dilanichi tom·aniko ong·atangenba, a·doko COVID man·e dongenggipa pilak manderangnan nangchongmotgipa bosturangko on·e dakchaktaina tik ka·angaha.
“COVID-19 man·e noktangtango nape dongenggipa manderangna nangchongmotgipa bosturangko chinga on·na tik ka·angaha aro uandaken re·anggipa bilsio gitan sorkari, COVID man·e dongenggiparangna dakchakanirangko on·angtaigen,” ine a·dokni Deputy Chief Minister Prestone Tynsong parakataha.
Deputy Chief Minister-ni parakatani gitade, COVID-19-ko man·e noktangtango nape dongenggipa manderang aro uamangni nokdangrang neng·nikanirangko chagrongna nangtokenga ine nikenba, sorkari iandakgipa manderangna nangchongmotgipa bosturangko on·e dakchaktaina sorkari tik ka·angaha.
Sorkarini tik ka·gimin gita ia kamko chu·sokate on·china sorkari, dingtang dingtang a·jani deputy commissioner-rangko ge·etangaha ineba ua parakataha.
